Japonııadaǵy aptap ystyq: 23 adam qaıtys bolyp, 13 myńy aýrýhanaǵa tústi
NUR-SULTAN. QazAqparat - Japonııada bir aptanyń ishinde aptap ystyqtan kóz jumǵandar sany 23-ke jetti, dep habarlaıdy QazAqparat Kyodo agenttigine silteme jasap.
Kún shyǵys eliniń búkil aýmaǵynda birazdan beri ystyq báseńdemeı tur. Japonııa Bas órt basqarmasynyń keshegi deregi boıynsha, basynan kún ótip aýrýhanaǵa túskender sany 13 myńǵa jýyqtaǵan.
Ásirese Tokıoda jaǵdaı qıyn. El astanasynda 1465 adam aýrýhanaǵa jatqan. Budan bólek, Saıtama preferektýrasynda 977, Osakada 897 adamnyń basynan kún ótken.
