Japonııadaǵy jer silkinisinen keıin 2,44 mıllıon tonnadan astam qaldyq paıda boldy

ASTANA. KAZINFORM - Isıkava prefektýrasynyń úkimeti Noto túbeginde bolǵan 7,6 baldyq jer silkinisinen 2,44 mıllıon tonnadan astam qaldyq qalǵanyn habarlady, dep jazady The Japan Times basylymy.

Tabıǵı apattan keıingi qaldyq kólemi prefektýranyń ádette jeti jyl ishinde shyǵaratyn qaldyǵynyń mólsherine teń.

Isıkava prefektýrasy 2026 jyldyń naýryz aıynyń sońyna deıin qaldyqtardy qaıta óńdeýdi josparlap otyr.

Qaldyqtar ýaqytsha saqtaý oryndaryna jetkizilip, janǵysh jáne janbaıtyn, aǵash, metall synyqtaryna suryptaý jasalady. Sodan keıin prefektýranyń syrtyndaǵy óńdeý mekemesine jetkiziledi.

Buǵan deıin jer silkinisiniń ınfraqurylymdyq shyǵyny 17,6 mıllıard dollarǵa jetýi múmkin ekeni habarlanǵan bolatyn.