Japonııadaǵy jer silkinisinen qaza tapqandar sany 126 boldy

Japonııadaǵy jer silkinisinen qaza tapqandar sany 100-den asty. Eki júzden astam adam iz-túzsiz joǵalyp ketken. Kazinform bul týraly Euronews-ke silteme jasap habarlaıdy.

Japonııada 1 qańtar kúni eldi dúr silkindirgen jer silkinisinen qaza tapqandar sany kúnnen kúnge artýda.

Senbi kúni bılik 126 adamnyń qaıtys bolǵanyn rastady.

Іzdestirý-qutqarý jumystary jalǵasyp jatqanymen, qutqarýshylar tiri qalǵandardy tabý múmkindigi kún saıyn azaıyp bara jatqanyn eskertedi.

Eki júzden astam adam iz-túzsiz joǵalǵan.

Olardy izdeýge aýa raıynyń qolaısyzdyǵy — qar men tómen temperatýra kedergi keltirip otyr. 

Bılik jalǵasyp jatqan jerasty dúmpýlerinen búlingen keı joldar tolyǵymen opyrylyp qalýy múmkin ekenin aıtady.