Japonııadaǵy tastandy maımyldy kórýge keletin týrıster sany kóbeıdi
ASTANA. KAZINFORM — Tokıonyń haıýanattar baǵyndaǵy Panch esimdi japon makakasyn kórýge álemniń túkpir-túkpirinen týrıster aǵylyp jatyr, dep habarlaıdy Kyodo.
Haıýanattar baǵynyń kúzetshisi Kosýke Shıkanonyń aıtýynsha, Panchtyń anasy týǵan kezde oǵan qamqorlyq kórsetpegen jáne ony basqa maımyldar mańyna jolatpaǵan. Kelesi kúni zoobaqtyń qyzmetkerleri maımyldyń balasyn jasandy túrde tamaqtandyra bastady.
Bıyl aqpan aıynyń ortasynan bastap haıýanattar baǵyna kelýshiler sany jumys kúnderi de, demalys kúnderi de kúrt ósti. Týrıster qorshaýdaǵy Panchty sýretke túsirip, túrli dámder berip jatyr.
— Bizdi haıýanattar baǵyna saıahatshylardyń aǵylyp jatqany tań qaldyrdy. Panchtyń damýyn kóp adamnyń baqylap otyrǵanyna qýanyshtymyz, — dedi Ichıkava zoologııalyq jáne botanıkalyq baq bóliminiń basshysy Takashı ıAsýnaga.
Panchtyń oıynshyǵy sııaqty jumsaq oıynshyqtardy satatyn japondyq IKEA Japan kk dúkeni basqa jumsaq taýarlardy kópshilikke syıǵa tartty.
— Bul shynymen áserli oqıǵa boldy. Jasaı ber, Panch, — dedi IKEA Japan prezıdenti Petra Fare.
Eske sala keteıik, amerıkalyq áıel jol apatynan keıin qashyp ketken maımyldy atyp tastady.
