Japonııadaǵy Rolan Garrostyń irikteý týrnırine elimizden úsh jas tennısshi joldama aldy

ALMATY. KAZINFORM - Almaty qalasynda jasóspirimder arasynda Rolan Garrostyń Batys jáne Ortalyq Azııa boıynsha irikteý týrnıri aıaqtaldy. 

Qyzdar arasynda fınalda qazaqstandyqtar Ádııa Omarbek pen Erkejan Jańataeva kezdesti. Ádııa Erkejandy 6:2, 6:4 esebimen jeńip, jeńimpaz atandy.

Uldar arasynda qazaqstandyq Mansur Saıynov ózbekstandyq Akmal Abýllaevty kambekpen tize búktirdi - 5:7, 6:1, 6:4.

Osylaısha, atalǵan tórt tennısshi 13-19 qazanda Japonııada ótetin sońǵy irikteý jarysyna qatysýǵa múmkindik aldy. Onda 2026 jyly jasóspirimder arasynda ótetin Frantsııa ashyq chempıonatyna bir joldama beriledi.

Qazaqstan tennıs federatsııasynyń vıtse-prezıdenti Dıas Dosqaraev jas sportshylardyń sheberligin arttyrýda mundaı dodalardy elimizde ótkizýdiń mańyzdylyǵyn atap ótti.

- Almatyda Rolan Garrostyń irikteý týrnıri osymen ekinshi ret uıymdastyryldy. Bul Qazaqstan tennıs mektebiniń jas túlekterine óz jerimizde myqty qarsylastarmen básekege túsip, shyńdalýyna múmkindik beredi. Keıingi jyldary jastarymyz halyqaralyq jarystarda kóptegen tabysqa qol jetkizdi. Olardyń budan bylaı da sátti óner kórsetip, elimizdiń atyn shyǵara beretinine senimdimin, - dedi Dııas Dosqaraev.

Eske sala keteıik, budan buryn Tımofeı Skatovtyń Germanııadaǵy týrnırdiń fınalynda súringenin jazǵan bolatynbyz.