Japonııadaǵy Fýta esimdi qyzyl panda Gınnestiń rekordtar kitabyna endi

ASTANA. KAZINFORM – Japonııadaǵy tanymal Fýta esimdi qyzyl panda qamaýda ómir súretin álemdegi eń kári qyzyl panda retinde Gınnestiń rekordtar kitabyna endi, dep habarlaıdy JIJI Press agenttigi.

Japonııadaǵy Fýta esimdi qyzyl panda Gınnestiń rekordtar kitabyna endi
Foto: jiji.com

Seısenbi kúni onyń jasy 23 jyl 135 kúnge jetken. Osy oqıǵaǵa oraı Japonııanyń shyǵysyndaǵy Tıba qalasynda ornalasqan Tıba zoologııalyq saıabaǵynda arnaıy saltanatty rásim ótti. Fýta osy haıýanattar baǵynda tirshilik etedi.

Panda 2003 jylǵy 5 shildede Japonııanyń ortalyq bóligindegi Sıdzýoka prefektýrasynyń Nıhondaıra haıýanattar baǵynda dúnıege kelgen. Kelesi jyly Tıba zoologııalyq saıabaǵyna aýystyrylǵan.

Fýta 2005 jyldar shamasynda eki aıaǵymen tik turatyn súıkimdi ádetiniń arqasynda búkil elge tanyldy. Tipti teledıdar jarnamasyna da túsken.

Mamandardyń baǵalaýynsha, onyń jasy adam jasymen eseptegende 100 jyldan asady. Haıýanattar baǵynyń málimetinshe, qazir kórý qabileti nasharlap, eki aıaǵymen tura almaıdy. Soǵan qaramastan tábeti jaqsy, jalpy jaǵdaıy turaqty.

Fýtanyń kóptegen urpaǵy bar. Olardyń arasynda besinshi býynǵa jatatyn bes panda da bar.

Aıta keteıik, buǵan deıin Qyzyl kitapqa engen Qarataý arqarynyń sany 2 myńǵa jýyqtaǵanyn jazdyq.

Sondaı-aq Qazaqstan kıikterin saqtaý tájirıbesi Nıý-Iorkte tanystyrylǵany habarlandy.