Japonııada júrgizýshisiz jolaýshylar poıyzy júre bastady

TOKIO.KYODO NEWS- QazAqparat – Beısenbi kúni Japonııanyń ońtústik-batysyndaǵy Kıýsıý aralynyń Fýkýoka qalasynda júrgizýshisiz basqarylatyn elektr poıyzy alǵash ret turaqty reısterin bastady. Ol kádimgi kúre jolmen júrip, ótkelderde baǵdarsham aldynda toqtaıdy, dep habarlaıdy QazAqparat Kyodo aqparattyq agenttigine silteme jasap.

Bastapqy kezeńde elektr poıyzynda mashınıst bolady. Sodan keıin ony birtindep tolyq avtomattyq rejımge aýystyrý kózdelgen. Elektr poıyzynyń uzaqtyǵy shamamen 13 shaqyrym, kúnine 12 reıs jasaıdy.

Kyodo agenttiginiń atap ótýinshe, júrgizýshisiz basqarylatyn elektr poıyzdaryn engizý birinshiden mashınıstterdiń jetispeýshiligine baılanysty bolyp otyr. Ýaqyt óte kele osyndaı elektr poıyzdaryn búkil Japonııada paıdalaný kózdelgen.