Japonııada joıqyn jer silkinisi boldy

NUR-SULTAN. QazAqparat – Japonııanyń soltústik-shyǵysynda Fýkýsıma prefektýrasy aýmaǵynda jergilikti ýaqyt boıynsha 23:08-de (Nur-Sultan ýaqytymen 20:08) 7,3 magnıtýdaly jer silkinisi boldy, dep habarlaıdy QazAqparat The Japan Times-ke silteme jasap.

Jer silkinisiniń kindigi el astanasynan soltústikke qaraı 220 km qashyqtyqta Tynyq muhıtynda ornalasqan, oshaǵy 60 km tereńdikte.

Jer silkinisiniń eń qatty sezilgen jeri - Fýkýsıma men Mııagı prefektýrasy, onda japondardyń 7 baldyq ólshemimen alǵanda 6+ ball jer silkinisi sezilgen. Tokıoda 4 ball shamasynda bolǵan.

«Onagava» jáne «Fýkýsıma-2» atomelektrstansasynda shtattan tys jaǵdaı tirkelmedi jáne radıatsııa taralǵan joq. Tsýnamı qaýip de tónip turǵan joq.

Jekelegen órt oqıǵalary jaıly jáne keı jerlerde topyraq kóshkeni týraly derekter bar. Ýaqytsha Sınkansen elektrpoıyzdary toqtatyldy.