Japonııada joıqyn jer silkinisi boldy

ASTANA. KAZINFORM Jergilikti ýaqyt boıynsha 8 jeltoqsan kúni saǵat 23:15-te Japonııanyń Aomorı prefektýrasynyń shyǵys jaǵalaýynda 7,5 baldyq jer silkinisi tirkeldi, dep habarlaıdy CCTV.

Telearnanyń jazýynsha, Japonııa Meteorologııa agenttigi 8 jeltoqsan kúni saǵat 23:23-de tsýnamı týraly eskertý jarııalaǵan. Keı aımaqtarda tsýnamı saldarynan sý deńgeıi 3 metrge deıin kóterilýi múmkin. Sondyqtan agenttik turǵyndardy erekshe saq bolýǵa shaqyrdy.

Buǵan deıin Qytaıdyń Shyńjań-Uıǵyr avtonomııalyq aýdanynda 6,0 baldyq jer silkinisi bolǵany týraly habarlaǵan edik.