Japonııada jergilikti turǵyn koronavırýsty ádeıi juqtyrdy degen kúdikke ilindi
TOKIO. Kyodo – QazAqparat – Osy aıda koronavırýs tabylǵan Japonııanyń Aıtı prefektýrasynyń turǵyny ádeıi ınfektsııa juqtyrdy degen kúdikke ilindi. Bul týraly juma kúni Kyodo agenttigi habarlady.
Gamagorı qalasynyń 50-den asqan turǵynynan naýryz aıynyń basynda koronavırýs tabyldy. Er adamdy tek kelesi kúni juqpaly aýrýlar bólimine jiberýge múmkindik týǵan. Sondyqtan dárigerler odan úıde qalyp, oqshaýlanýyn suraǵan. Álgi onyń ornyna budan buryn koronavırýs tabylǵan týystaryna «vırýs taratqysy keletindigin» aıtyp, eki barǵa barǵan. Sondaı-aq barlardyń birinde koronavırýs juqtyrǵanyn aıtady. Muny estigen onyń qyzmetkerleri shuǵyl polıtsııa men densaýlyq saqtaý qyzmetine habarlasqan.
Qazir polıtsııa men Japonııanyń densaýlyq saqtaý mınıstrliginiń qyzmetkerleri er adammen baılanysta bolǵandardy anyqtap, ol kirgen barlardy tolyqtaı dezınfektsııalap jatyr.
