Japonııada jer silkinisinen 13 adam qaza tapty
ASTANA. KAZINFORM — 28 shildede Japonııanyń ońtústik-batysynda bolǵan 7,1 baldyq jer silkinisi 13 adamnyń ómirin qıdy, ondaǵan myń adam elektr qýaty men sýsyz otyr, dep habarlaıdy Jiji Press.
Seısenbi kúni kúndiz bolǵan jer silkinisinen keıin Kýmamoto prefektýrasyndaǵy saýda ortalyǵynda jarylys boldy. Jergilikti bıliktiń habarlaýynsha, eki áıel qaza taýyp, bir áıel es-tússiz kúıde tabyldy jáne taǵy bes adam jaraqat aldy.
Saýda ortalyǵynyń ekinshi qabaty opyrylyp qulaǵanǵa deıin shamamen 200 adam evakýatsııalandy.
ıAtsýsırodaǵy qaǵaz fabrıkasynda tútin murjasy qulap, eki jumysshy aýrýhanaǵa jetkizildi. Taǵy toǵyz adam habar-osharsyz joǵaldy.
Іzdeý-qutqarý jumystary jalǵasyp jatyr, al júrdek poıyz qatynasy áli de toqtap tur.
Jergilikti áýe kompanııalary ondaǵan reısti toqtatty.
Jer silkinisi saldarynan Kýmamoto prefektýrasyndaǵy keıbir kásiporyn jumysyn toqtatty, shamamen 50 myń úı sharýashylyǵy elektr qýatynsyz, al 140 myń úı sýsyz qaldy. Boljamǵa sáıkes, sársenbi kúni aımaqtaǵy temperatýra +35°C-tan asady, al joǵary ylǵaldylyq kondıtsıoner men aǵyndy sýǵa qol jetkize almaıtyndar úshin ystyq ótý qaýpin arttyryp otyr.
Japonııa meteorologııalyq agenttigi bir apta ishinde kúshti jerasty dúmpýleri bolýy múmkin ekenin eskertti, eń joǵary qaýip aldaǵy kúnderi boljanǵan. Agenttik sonymen qatar eń qatty zardap shekken aýdandarda kóshkin qaýpiniń artatynyn eskertti.
Osyǵan deıin Japonııanyń 41 prefektýrasynda aptap ystyqqa baılanysty eskertý jarııalandy.
