Japonııada jer silkinisi qurbandarynyń sany 28 adamǵa jetti
ASTANA. KAZINFORM – Osy aptanyń basynda Japonııanyń ońtústik-batysynda bolǵan qýatty jer silkinisinen qaza bolǵandar sany 28 adamǵa jetti, dep habarlaıdy Kyodo aqparat agenttigi.
Beısenbi kúni tańerteńgi jaǵdaı boıynsha evakýatsııalyq ortalyqtarda 10 myńnan astam adam bar.
Kýmamoto prefektýrasynyń málimetinshe, shamamen 23 myń úı sharýashylyǵy elektr qýatynsyz jáne shamamen 75 myń úı sýsyz qaldy.
Qutqarýshylar tiri qalǵandar adamdardy izdeý jumystaryn jalǵastyryp jatyr.
Eske salsaq, jer silkinisi Kıýsıý aralynyń ishki bóliginde boldy.
Jer silkinisinen keıin 100-den astam aftershok tirkeldi, jáne kóptegen adam jerasty dúmpýleriniń qaıtalanýynan qorqyp, kólikterinde uıyqtaýǵa májbúr.
Prefektýrada aldaǵy kúnderi aptap ystyq bolatyny boljanǵan, temperatýra 39°C (102°F) deıin jetedi, bul izdeý-qutqarý jumystaryn qıyndatýy múmkin. Osyǵan baılanysty bılik qutqarýshylar men zardap shekkenderdi aptap ystyqtan saqtaný úshin saqtyq sharalaryn qabyldaýǵa shaqyrdy.
Osyǵan deıin Almaty turǵyndary jer silkinisin sezingenin jazdyq.
