Japonııada jer silkindi
ASTANA. KAZINFORM – Juma kúni Japonııanyń soltústik-shyǵysynda 5,8 magnıtýdalyq jer silkinisi boldy, dep habarlaıdy Kyodo News aqparat agenttigi.
Jer silkinisi Fýkýsıma prefektýrasynda Japonııanyń 7 baldyq seısmıkalyq qubylystar qarqyndylyǵy shkalasy boıynsha 5-shi deńgeıden tómen jáne Mııagı, Ibarakı jáne Tochıgı prefektýralarynyń kóptegen aýdandarynda 4-shi deńgeıden tómen tirkeldi.
Jer silkinisiniń oshaǵy Fýkýsıma prefektýrasynyń jaǵalaýynda, shamamen 50 shaqyrym tereńdikte jatyr.
«Fýkýsıma-1» jáne «Fýkýsıma-2» AES-te jańa aýytqýlar anyqtalǵan joq, dep habarlady Japonııanyń ıAdrolyq retteý organy. Stantsııalar 2011 jylǵy jer silkinisi men tsýnamıden zardap shekkennen beri óshirýli tur.
Stantsııalardy basqaratyn Tokyo Electric Power Holdings Inc. Kompanııasynyń habarlaýynsha, zilzala Fýkýsıma-1 stantsııasynan tazartylǵan radıoaktıvti sýdy teńizge jiberýdi toqtatýǵa májbúr etken.
Jer silkinisi Ibarakı prefektýrasyndaǵy Tokaı-2 nemese Mııagı prefektýrasyndaǵy Onagava atom elektr stantsııasyna aıtarlyqtaı áser etken joq, dedi olardyń operatorlary.
