Japonııada jer silkindi
ASTANA. KAZINFORM – Beısenbi kúni Japonııanyń soltústik-shyǵysynda magnıtýdasy 6,0 baldyq jer silkinisi boldy. Tsýnamı týraly eskertý jarııalanǵan joq, dep habarlaıdy Kyodo News aqparat agenttigi.
Jer silkinisi Ivate, Mııagı jáne Fýkýsıma prefektýralarynda Japonııanyń seısmıkalyq qubylystar qarqynynyń 7 baldyq shkalasy boıynsha 4-shi deńgeıde tirkeldi.
Jer silkinisiniń oshaǵy Fýkýsıma prefektýrasynyń jaǵalaýynda, shamamen 40 shaqyrym tereńdikte jatyr.
ıAdrolyq retteý organynyń málimetinshe, Fýkýsıma-1 nemese Fýkýsıma-2 atom elektr stantsııalarynda eshqandaı aýytqýlar anyqtalǵan joq.
Seısenbi kúni Japonııanyń soltústik-shyǵysynda jer silkindi jáne Aomorı prefektýrasyndaǵy Hachınoha men Mısavada, sondaı-aq Ivate prefektýrasyndaǵy Mııako men Kýdzıde Japonııanyń seısmıkalyq qubylystar qarqynynyń 7 baldyq shkalasy boıynsha 5-shi deńgeıden tómen bolǵany tirkeldi.
Meteorologııalyq departament zardap shekken aımaqtarda jer silkinisi shamamen bir aptaǵa sozylýy múmkin ekenin eskertti.
Sondaı-aq naýryz aıynda Japonııanyń soltústik-shyǵysynda magnıtýdasy 5,8 bolǵan jer silkinisi Fýkýsıma prefektýrasynda jáne Mııagı, Ibarakı jáne Tochıgı prefektýralarynyń kóptegen aýdandarynda tirkeldi.
