Japonııada jer silkinisinen úsh adam qaza taýyp, 40 adam zardap shekti
Buryn buryn NHK telearnasy úıindilerdiń astynda qaza tapqan Takatsýkı qalasynda turǵan toǵyz jasar qyz bala men kórshiles Osaka qalasynyń 80 jastaǵy turǵyny týraly habar taratqan.
Honsıý aralynyń ońtústik-batysynyń ózge aýdandarynda jer asty dúmpýinen 40 astam adam ártúrli jaraqat alǵan. Tabıǵı apaty saldarynan toqtaǵan lıftilerde 20 shaqty adam qalyp qoıǵan.
Jer silkinisiniń kesirinen 60 astam júrdek poıyz Tokıo men Osaka qalalary arasyna qatynaýyn toqtatty. Ózge de temirjoldar men avtomobıl joldarynda da qozǵalys tyıyldy.
Apat aımaqtaryndaǵy 100 myńnan astam páter gazsyz qaldy. Takatsýkı qalasynda birneshe jerlerde sý qubyrlaryna zaqym kelgen, kóshelerdiń keıbir tustarynda qozǵalys toqtatyldy.
Ulttyq metorologııalyq basqarmanyń málimeti boıynsha, jer silkinisiniń terbelisi 6,1 bolǵan. Jer asty dúmpýiniń oshaǵy Osaka prefektýrasynyń soltústiginde 13 km tereńdikte ornalasqan. HNK málimetinshe, jer silkinisine baılanysty Japonııanyń premer-mınıstri Sındzo Abe keńsesinde daǵdarystyq shtab jumys jasaıdy.
