Japonııada jer silkinisinen qaza tapqandar sany 9 adamǵa jetti
ASTANA. QazAqparat - Japonııanyń ońtústiginde oryn alǵan joıqyn jer silkinisiniń saldarynan qaza tapqandar sany 9 adamǵa jetti, dep habarlaıdy Frans Press agenttigi. Osyǵan deıin 3 adam qaza taýyp, 200-den astamy túrli jaraqattarmen aýrýhanaǵa jetkizilgeni jóninde habarlanǵan bolatyn.
«Qazirgi kezde qaza tapqandar sany toǵyz adamǵa jetp otyr», - dep agenttikke tabıǵı apattarmen kúres qyzmetiniń ókilderi habarlady.
Buǵan deıin habarlaǵandaı, beısenbi kúni keshki ýaqytta Japonııanyń Kıýsıý aralynda magnıtýdasy 6,5 bolatyn jer silkinisi boldy.
