Japonııada jer silkinisinen 18 adam zardap shekti
ASTANA. QazAqparat - Japonııanyń ońtústik-batysynda bolǵan jer silkinisinen 18 adam jaraqattandy. Jer dúmpýiniń magnıtýdasy 6,2 balldy quraǵan.
Bul týraly ITAR-TASS habarlaıdy. Jer silkinisiniń kindigi Іshki Japon teńizinde Honsıý, Kıýsıý jáne Sıkoký araldarynyń ortasynda ornalasty. Zardap shegýshilerdiń basym bóligi sórelerdegi zattardyń ústerine túsýinen, jerdiń terbelýinen qulap, jaraqattanǵan. Apat saldarynan Hırosımadaǵy 8 myń úıge elektr qýatyn berý birneshe saǵatqa toqtatylǵan. Sondaı-aq avtomagıstraldardaǵy kólik qozǵalysy da shektelgen.
