Japonııada jer silkinisi kólik qozǵalysyn buzdy
ASTANA. 9 naýryz. QazAqparat - Japonııada sársenbi kúni oryn alǵan kúshi 7,2 baldyq kúshti jer silkinisinen eshkim de zardap shekken joq.
Ǵımarattar men ınfraqurylymdardyń búliný oqıǵasy da tirkelgen joq. Tabıǵattyń tosyn mineziniń negizgi kúshine tótep bergen atom stansasynyń da jumysyna esh kesir kelgen joq, dep habarlaıdy Japonııanyń tótenshe jaǵdaılar qyzmetine silteme jasaǵan Lenta.rý.
Degenmen, jer silkinisi kólik qyzmetiniń jumysyna kóptegen kedergiler keltirýde. Atap aıtqanda, "Djeı Ar" temirjol kompanııasy "Sınkansen" júrdek poıyzdarynyń qozǵalystaryn toqtatýǵa májbúr bolyp otyr, - dep habarlaıdy ITAR-TASS.
Japonııanyń meteorologııalyq qyzmetteriniń málimetteri boıynsha, jer silkinisiniń kindigi Tynyq muhıtynda, Japonııanyń Honsıý aralynyń soltústik-batysyna qaraı ornalasqan, teńiz tuńǵıyǵynda 10 shaqyrym tereńdikte bolǵan. Jerasty dúmpýleri Japonııanyń 47 prefektýrasynyń 23-iniń aýmaǵynda aıqyn sezilip, Tokıoda anyq baıqalǵan.
