Japonııada jer silkinip, 11 adam zardap shekti
TOKIO. Kıodo-QazAqparat - Juma kúni Japonııanyń ortalyǵynda magnıtýdasy 5,0 jer silkinisi boldy. Zilzala saldarynan kem degende 11 adam zardap shekti, dep habarlaıdy QazAqparat Kıodo agenttigine silteme jasap.
Japonııa meteorologııalyq agenttiginiń málimetinshe, jer silkinisi shamamen tańǵy saǵat 9:10-da, Fýkýı prefektýrasynda oryn alǵan. Onyń tereńdigi shamamen 10 shaqyrym.
Japondyq seısmıkalyq qarqyndylyq boıynsha 5 baldan tómen (7 baldyń ishinde) jer silkinisi Fýkýı prefektýrasynyń Sakaı qalasynda tirkeldi.
Fýkýı prefektýrasy úkimetiniń málimetinshe, kem degende 11 adam jaraqat alǵan. Órt sóndirýshilerdiń aıtýynsha, jaraqattanǵandar arasynda Fýkýı qalasynda tósekten qulaǵan bir jasar qyz bala jaq súıeginiń jeńil jaraqatyn alǵan, al Sakaıdegi 80 jastaǵy áıel jer silkinisi kezinde óz úıinde qulap, tabany zaqymdanǵan.
