Japonııada jaýǵan qalyń qar 70-ten astam áýe reısteriniń toqtatylýyna soqtyrdy
ASTANA. QazAqparat - Japonııanyń ortalyq jáne soltústik aýdandaryndaǵy qalyń qar 70-ten astam áýe reısteriniń toqtatylýyna ákep soqtyrdy.
NHK telearnasynyń málimetine súıensek, Japan Airlines (JAL) jáne All Nippon Airways (ANA) iri japondyq áýe kompanııalary 56 reısti, al loýkoster-kompanııalar 17 reısti toqtatty.
Poıyz qozǵalystarynda da keshigýler baıqalýda. Ásirese, "sınkansen" júrdek poıyzdarynyń keıbir baǵyttaryndaǵy keshigýler bir saǵatqa deıin jetti.
