Japonııada jasandy ıntellekt kómegimen jasalǵan manga jaryqqa shyqty
Japonııanyń Kyodo aqparat agenttiginiń habarlaýynsha, ataqty japon manga sýretshisi Osamý Tezýkanyń jasandy ıntellekt tehnologııasynyń kómegimen jasalǵan jańa týyndysy «Qara Jek» Japonııada 20 qarasha kúni resmı jarııalandy.
Qara Jek» — Tezýkanyń týyndysy, ol lıtsenzııasyz medıtsınamen aınalysatyn danyshpan hırýrg týraly baıandaıdy.
Bul shyǵarmanyń úzdiksiz shyǵyp jatqanyna 50 jyl boldy.
Bul joly jaryq kórgen «Mashınanyń júregi — Heartbert Mark 2» dep atalatyn jańa hıkaıa 32 betten turady. Osy shyǵarylym týyndynyń 50 jyldyǵyna arnalǵan.
Jańa hıkaıanyń negizgi mazmuny — adam men AI tehnologııasynyń úılesimin zertteý jáne «adam degenimiz ne?» degen suraqqa jaýap izdeý.
Aqparat agenttiginiń habarlaýynsha, áńgimeniń negizgi qurylymy Tezýka Osamýdyń kózi tirisinde jazǵan mazmunyna negizdelgen, sosyn AI tiliniń sońǵy úlgisi «GPT4» osy qurylym negizinde egjeı-tegjeıli sıýjet jasaǵan jáne sýretterdiń syzba jumysyn AI derbes oryndaǵan.
Jańa áńgimeniń ataýyn da AI óz betinshe belgilegen.
Osamý Tezýkanyń úlken uly, osy jobaǵa jaýapty rejısser Makoto Tezýka AI jasaǵan jańa týyndyǵa úlken rızashylyǵyn bildirdi.
«AI oqıǵany jasaǵan kezde Tezýka shyǵarmalarynyń negizgi taqyryby — bıologııalyq ómirdiń qadir-qasıetin oqıǵaǵa óte keremet keltiripti. AI shynymen Osamý Tezýka stılimen manga jasaǵanyna óte qýanyshtymyn», - dedi Makoto Tezýka.
Osamý Tezýka (japon. 手塚 治虫 Tezuka Osamu, 3 qarasha 1928 j., Toıonaka — 9 aqpan 1989, Tokıo) — japon mangashy, anımator, medıtsına ǵylymdarynyń kandıdaty.
Osamý Tezýka manga men anımeniń damýyna zor úles qosty.
Óziniń mansabynda 500-ge jýyq manga jasady, ol úshin kóptegen syılyqtar men marapatqa ıe boldy.
Tezýkany oqyrmandar «manga qudaıy» dep ataıdy, óıtkeni onyń jumysy Japonııada sáıkes stıl trendterin tanymal etti.
