Japonııada jas jigit synyptasynyń 83 jastaǵy ájesine úılenbek

ASTANA. KAZINFORM — Japonııada 23 jastaǵy jigit synyptasynyń 83 jasar ájesine ǵashyq bolyp, oǵan úılenýdi josparlap otyr, dep habarlady SCMP.

Basylymnyń jazýynsha, olar ótken jyldyń 14 aqpanynda, Valentın kúni tanysqan.

Alty aıdan keıin olar týystaryna ashyq túrde kórinip, bir úıde tura bastady. Otbasy músheleri olardyń qarym-qatynasyn tolyǵymen maquldady.

Áıel buryn baǵban bolyp jumys istegen jáne úlken botanıkalyq baqqa ıelik etedi. Eki ret turmys qurǵan, bir uly, bir qyzy jáne bes nemeresi bar. Sońǵy ret ajyrasqannan keıin ol ulymen birge tura bastady.

Erli-zaıyptylardyń suhbaty men olardyń mahabbat hıkaıasy áleýmettik jelide tez tarady.

Bireýler olardyń qarym-qatynasyn qoldap, «mahabbat jasqa qaramaıdy» dep pikir bildirse, endi biri jas jigittiń áreketin qatań aıyptady.

Eske sala keteıik, Krıshtıaný Ronaldý balalarynyń anasyna úılený týraly usynys jasady.