Japonııada jarylǵan tanker kapıtanynyń denesi tabyldy
ASTANA. QazAqparat - Japonııada jarylyp, artynsha sýǵa ketken munaı tankeri kapıtanynyń iz-túzsiz joǵalyp ketken denesi tabyldy. Jarylys kezinde ol munaı men mazýt tasymaldaıtyn tsısternalardy tazalap jatqan, dep jazady 24.kz.
Esterińizge sala keteıik, 29 mamyrda Honsıý aralynyń batys jaǵalaýynda munaı tankerinde eki joıqyn jarylys bolyp, onyń sońy alapat órtke ulasqan bolatyn. Artynsha keme sýǵa ketti. Qutqarýshylar 7 adamdy aman alyp qalǵan. Kúnshyǵys eliniń teńizdegi qaýipsizdik qyzmeti oqıǵanyń mán-jaıyn anyqtap jatyr. Apatqa tazartý jumystary kezinde tsısterna ishinde jınalyp qalǵan gazdyń tutanýy sebep bolýy múmkin.
