Japonııada janartaý atqylaǵan Ontake taýynan 30 shaqty alpınıst qulady
ASTANA. QazAqparat - Ontake janartaýy oıanǵanǵa deıin shuńqyr betkeıinde júrgen alpınısterdiń 30 shaqtysy qulap, jaralandy, qaza tapqandary da bolýy múmkin, dep habarlady VVS NHK Japon telearnasyna silteme jasaı otyryp.
Jergilikti basqarýshy bılik janartaý mańyna 4 shaqyrym qashyqtyqqa deıin jaqyndaýǵa qatań tıym saldy. Eldiń Úkimet basshysy Sındzo Abe ondaǵy 150 alpınısti qutqarý jumystary júrgizilip jatqanyn málimdedi. Olar sol Ontake betkeıindegi shatqaldarda boı tasalaýǵa májbúr bolyp otyr. Kıso prefektýrasynyń aýrýhanalary jaralanǵandarǵa shuǵyl jedel járdem kórsetýge daıyn. «Men janartaýdyń atqylaýy bastalǵanda-aq túsýge asyqtym. Kóp uzamaı aınalany kúl basyp qaldy», - deıdi qutqarylǵan sportshylardyń biri. Ontake taýynyń bıiktigi 3067 metr. Janartaýdyń oıanýy osydan 7 jyl buryn bolǵan.
