Japonııada jańa shaǵyn elektromobıl satylymǵa shyǵady
ASTANA. KAZINFORM — Suzuki Motor Corp. kompanııasy 16 qarashadan bastap óziniń alǵashqy shaǵyn elektromobıli e Sky modelin sata bastaıdy. Onyń bastapqy baǵasy 2,12 mln ıen bolady. Bul Japonııa naryǵyndaǵy shaǵyn elektromobılder arasyndaǵy eń tómen baǵa bolmaq, dep habarlaıdy Jiji Press.
Suzuki e Sky modelin ázirleý kezinde shaǵyn avtokólikter shyǵarýdaǵy kóp jyldyq tájirıbesine súıene otyryp, tar keńistikte kólikti basqarýǵa qolaılylyqqa, sondaı-aq júrgizýshi men jolaýshylardyń jaılylyǵyna erekshe mán bergen.
Avtokólik óndirýshisi kóliktiń salmaǵyn azaıtýǵa jáne energııa tıimdiligin arttyrýǵa da basymdyq bergen. Kólik bir qýatpen 310 shaqyrymǵa deıin júre alady. Bul shaǵyn elektromobılder segmentindegi eń joǵary kórsetkishterdiń biri.
Suzuki aıyna shamamen bir myń e Sky kóligin satýdy josparlap otyr. Kompanııa bul kórsetkishke benzın qozǵaltqyshy bar kólik ıelerin de jańa modelge tartý arqyly qol jetkizýdi kózdeıdi.
Aıta keteıik, Qyrǵyzstan elektromobıl óndirisin bastady.
