Japonııada jańa ımperator taqqa otyratyn kún ulttyq merekege aınalady
TOKIO. QazAqparat - Japonııada jańa ımperator taqqa otyratyn kún ulttyq merekege aınalady. Parlament arnaıy zań qabyldaǵannan keıin japonııalyqtar qatarynan 10 kún demalady, dep habarlaıdy «QazAqparat» HAA Kyodo agenttigine silteme jasap.
Japonııa úkimeti seısenbide bekitken zań jobasyna sáıkes, taq murageri Narýhıto el ımperatory bolatyn 2019 jylǵy 1 mamyr ulttyq mereke dep jarııalanady. Keler jyldyń 22 qazan kúni de osyndaı mártebege ıe. Bul kúni ımperator saraıynda jańa monarhty taqqa otyrǵyzý saltanattary ótedi.
Aıta keteıik, 1 mamyr jáne 2 qazan kúnderi tek 2019 jyly ǵana mereke retinde toılanady.
Japonııanyń qazirgi ımperatory 84 jastaǵy Akıhıto taqtan túsetinin 2016 jyly jarııalaǵan bolatyn. Ulttyq zańnamaǵa sáıkes, monarh taqta ómiriniń sońyna deıin otyrýy tıis, alaıda Akıhıto qartaıǵandyqtan, ózi osyndaı sheshim qabyldaǵan.
Imperator 2019 jyldyń 30 sáýirinde taqtan túsip, erteńine onyń úlken uly, 58 jastaǵy Narýhıto jańa ımperator bolady.
