Japonııada jańa bosanǵan áıelderge arnalǵan qonaqúıler kóbeıip keledi
ASTANA. KAZINFORM — Japonııada bosanǵannan keıin analardy qoldaýǵa baǵyttalǵan jańa qonaqúı qyzmeti damyp keledi. Bul qonaqúıler áıelderge jańa týǵan nárestelerimen demalýǵa jaǵdaı jasaıdy, ondaǵy akýsherler men bala kútimi mamandary táýlik boıy qyzmet kórsetedi. Bul týraly Kyodo agenttigi jazdy.
Qazir Japonııada osyndaı qonaqúıler sany 20-ǵa jetken.
Qyzmetkerler balalarǵa kútim jasaǵan kezde, áıelder demalyp, qalpyna kele alady. Jas analardyń jubaılary men úlken balalary da qonaqúıge kelýine bolady.
Analarǵa yńǵaıly bolýy úshin alasa tósekter men dıvandar qoıylǵan, bul nárestelerdi jaıly tamaqtandyrýǵa jáne kútýge múmkindik beredi.
Qonaqúı salasy ókilderiniń aıtýynsha, qonaqúıge kóptegen áıelder qatty emotsıonaldyq kúızelis jaǵdaıynda keledi, al keterde ózderin aıtarlyqtaı jaqsy sezinedi.
Bul qyzmet túrine degen suranystyń artýynyń bir sebebi, qazir japon qoǵamynda jas otbasylar erte enshisin alyp shyǵady. Balaly bolǵannan keıin áıelder otbasylyq qoldaýǵa muqtaj bolady.
Byltyr osy saladaǵy kompanııalar Japonııa bosanǵannan keıingi kútim qonaqúıleri qaýymdastyǵyn qurdy. Uıym sala qatysýshylary arasyndaǵy yntymaqtastyqty damytýǵa, qyzmet kórsetý sapasyn jaqsartýǵa jáne halyqty osyndaı qoldaýdyń qoljetimdiligi týraly habardar etýge baǵyttalǵan.
Aıta keteıik, akýsherler áıel bosanar kezde kúıeýiniń qoldaýy mańyzdy ekenin aıtady.
BUU álemde ákelerdiń dekrettik demalysy analarǵa qaraǵanda segiz ese qysqa ekenin málimdegen bolatyn.
