Japonııada zaýytta jarylys bolyp, 17 adam zardap shekti
ASTANA. 15 qarasha. QazAqparat - Japonııanyń Tıba prefektýrasynda óńdelgen dızeldi otyn jáne mazýtty tazalaý jáne qaıta óńdeý zaýytynda bolǵan jarylys saldarynan on jeti adam jaraqat alyp, aýrýhanaǵa jetkizildi, dep habarlaıdy «RIA Novostı».
Jarylys juma kúni keshke oryn alǵan, dep habarlaıdy NHK telearnasy.
Polıtsııanyń málimetterine qaraǵanda, óńdelgen mashına maıy quıylǵan tsısterna jarylǵan. Jarylys saldarynan órt shyqqan. Oqıǵa ornynda órt sóndirýshiler jumys isteýde, biraq, jalyndy aýyzdyqtaý ázirshe múmkin bolmaı otyr. Zardap shekken eki adamnyń jaǵdaıy aýyr.
Telearna kásiporyn janyndaǵy ǵımarattardyń áınekteri synǵanyn habarlaýda. Kásiporynnyń ózine eleýli shyǵyn kelgen, jarym-jartylaı qabyrǵalar búlingen.
