Japonııada ıakýdza ólim jazasyna kesildi
ASTANA. QazAqparat - Japonııada kezekti ólim úkimine 59 jastaǵy ıakýdza qylmystyq tobynyń bir múshesi kesilip, óltirildi, dep habarlady Ýtro.rý.
Jergilikti BAQ-tyń habarlaýynsha, onyń moınynda úsh adamnyń qany bolǵan. Sonymen qatar, Japonııada taǵy bir qanisher ólim jazasyn aldy. Ol taksı júrgizýshisi bolyp qyzmet etken.
Bul 2012 jylǵy jeltoqsanda úkimet basyna premer-mınıstri Sındzo Abe kelgeli oryndalyp otyrǵan 6-shy jaǵdaı. Osy ýaqyt aralyǵynda 11 adam jazanyń eń aýyr túrine kesildi. Qazirgi ýaqytta osy elde taǵy 125 adam ólim jazasyna kesilip, ajalyn kútip otyr. Jazalaý kezinde negizinen darǵa asý tásili qoldanylady. Ereje boıynsha, mundaı úkim shyǵarylǵannan keıin dereý júzege asyrylmaıdy. Sottalǵan adam úkimin jyldar boıy kútip, dál darǵa asylatyn kúni ǵana bilýi múmkin.
Aıta keteıik, halyqaralyq quqyq qorǵaý uıymdary Japonııany birneshe ret bul jaza túrin alyp tastaýǵa shaqyrǵanymen Tokıo oǵan jaýap bergen joq.
Óıtkeni, el halqynyń 85 paıyzy asa qaýipti qylmyskerlerge osy jazany qoldanýdy quptaıdy.
