Japonııada ıakýdza bandalary arasynda atys boldy
TOKIO. Kyodo-QazAqparat - Beısenbi kúni Japonııanyń basty araly Honsıý ortalyǵyndaǵy Isesakı qalasynda jaýlasqan ıakýdza gangsterler toby arasynda atys boldy, dep habarlaıdy QazAqparat Kyodo agenttigine silteme jasap.
Oqıǵa ornynan eldegi eń iri qylmystyq sındıkat qurylymy «ıAmagýtı-gýmı»-diń keýdeden jáne basynan jaraqat alǵan músheleri tabyldy.
Taǵy bir adamdy kólikpen qaǵyp ketken, onyń jaǵdaıy aýyr. Polıtsııa jaralanǵan úsh adamdy gospıtalge jetkizdi. Qaqtyǵys ornynan qannyń izderi, tastalǵan aıaq-kıim, kıimniń jyrtylǵan bóligi jáne kólikterdiń synǵan bólshekteri tabyldy.
Polıtsııa oqıǵa ornynan izin sýytqandardy izdestirip jatyr.
Japonııada uıymdasqan qylmystyq toptar sany 2019 jyly 2,3 myń adamǵa azaıyp, qazir 28,2 myńy ǵana qaldy. Polıtsııa ókilderiniń aıtýynsha, ıakýdza sanynyń qysqarýyna uıymdasqan qylmysqa degen qysym men qarjy tabýdyń qıyndyǵy sebep bolǵan.
«ıAmagýtı-gýmı» ázirge Japonııadaǵy iri ıakýdza toby, ol shaǵyn bandalardyń basym bóligin biriktiredi. Onyń quramynda shamamen 8,9 myń adam bar. Ekinshi orynda 2015 jyly osy sındıkattan bólinip shyqqan «Kobe ıAmagýtı-gýmı» toby tur, onyń quramynda 3 myńǵa jýyq ıakýdza bar. Eki sındıkat arasynda jaýlastyq áli kúnge deıin saqtalyp keledi.
