Japonııada XIV ǵasyrda turǵyzylǵan qamal kúlge aınaldy
NUR-SULTAN. QazAqparat - Japonııada XIV ǵasyrda salynǵan Sıýrı qamaly túgeldeı órtenip, kúlge aınaldy, dep habarlaıdy QazAqparat VVS-ge silteme jasap.
Japonııanyń Okınava preferektýrasynda qundy tarıhı jádigerlikterdiń biri – Sıýrı qamaly janyp ketti. Japon buqaralyq aqparat quraldarynyń habarlaýynsha, jalyn 11 saǵat boıy basylmaǵan.
Órt beısenbige qaraǵan túnde ortalyq ǵımarattyń zalynda bastalǵan. Ol kezde ishinde jan bolmaǵan, sondyqtan eshkim zardap shekpegen. Jalpy 6 myń sharshy metrdi jalyn sharpyp, jeti ǵımaratty kúlge aınaldyrǵan.
Jergilikti polıtsııanyń málimdeýinshe, órt tutanardyń aldynda qamalda Rıýkıý memleketiniń mádenı festıvali bolǵan. Qazir apat sebepteri anyqtalyp jatyr.
XIV-XV ǵasyrlarda salynǵan Sıýrı qamaly kóne Okınava mádenıetiniń basty sımvoldarynyń biri edi. Ony 2000 jyly ıÝNESKO dúnıejúzilik mádenı muralar tizimine kirgizgen bolatyn.
