Japonııada vokzal bastyǵy qyzmetin atqarǵan mysyqty jerledi
ASTANA. QazAqparat - Japonııada temirjol stansasynyń bastyǵyna taǵaıyndalǵannan keıin ultqa tanymal bolǵan vokzal bastyǵy qyzmetindegi mysyqty saltanatty túrde jerledi.
Tama degen atqa ıe bolǵan mysyq osydan segiz jyl buryn Kısı stansasyna bastyq bolyp taǵaıyndalǵan edi.
Shınel men fýrajka kıgen ol bar ýaqytyn bastyqtyń býdkasynda ótkizdi.
Segiz jyl buryn jergilikti temir jol bankrotqa ushyrap, Kısı stansasynda bir de bir qyzmetker qalmaǵan edi.
Tek Tama mysyq stansa bastyǵy bolǵannan keıin munda keletin jolaýshylar sany kúrt artqan.
Mysyqty jerleýge kelgen kompanııalar men jergilikti bılik ókilderi oǵan qalaǵa týrısterdi tartqany úshin alǵystaryn bildirdi.
Stansa bastyǵy qyzmetine jańa mysyq taǵaıyndaldy, dep habarlaıdy Bı-bı-sı.
