Japonııada «Vıfa» taıfýnynyń qurbandary artyp keledi
ASTANA. 16 qazan. QazAqparat - Japonııada «Vıfa» taıfýnynyń qurbandary 17-ge deıin jetip, 40-tan astam adam iz-tússiz joǵalǵandar dep sanalýda. Bul týraly sheteldik BAQ habarlady.
Opat bolǵandardyń kópshiligi Tokıonyń ońtústiginde ornalasqan Osıma aralynda tirkelýde. Bul jerde ondaǵan úı jar kóshkininiń astynda kómilip qalǵan nemese ózen shaıyp ketken.
Sońǵy jyldardaǵy eń qýatty taıfýn soltústik-shyǵysqa qaraı jyljyp, sý tasqyndary men kóshkinderdi týdyrýda.
Barsha Japonııa boıynsha kólik qyzmetiniń júrý tártibi buzylǵan kórinedi.
Sonymen qatar taıfýnnan bolatyn qaýipti aımaq aýmaǵyna apatty «Fýkýsıma» atom elektr stansasy aýdanynyń da iligýiniń múmkindigi joqqa shyǵarylmaı otyr.
Stansanyń operatory «Terso» kompanııasy sý deńgeıin tómendetý úshin jaýyn-shashynnan jınalǵan sýdy sorǵymen shaǵyrýda.
