Japonııada Ýtamaronyń iz-túzsiz joǵalǵan qundy týyndysy tabyldy
ASTANA. QazAqparat - Japonııada KıtagavaÝtamaronyń joǵalǵanyna kóp bolǵan barshaǵa áıgili ulttyq klassıkalyq kartınasy tabyldy. Qundy týyndy taıaýda jurtshylyq nazaryna usynylmaq.
Bul shyǵarmanyń kezinde eýropalyq ımpressıonısterge áseri mol bolǵan. Kartına sońǵy ret kópshilikke 1948 jyly kórsetilgen, artynsha iz-tússiz joǵaldy. Alaıda, ol osynshama jyldar boıy kóne zattar satylatyn dúkenderdiń biriniń qoımasynda jatqan, dep habarlaıdy ITAR-TASS.
Ýtamaro erekshe órnek-naqyshtarymen tanymal bolǵan, alǵash ret astanalyq Esıvara oıyn-saýyq kvartalyndaǵy sulý geıshanyń portretimen ataǵy shyqqan. Al tabylǵan kartına kólemi jaǵynan óte aýqymdy. Uzyndyǵy - 3,4 metr, bıiktigi - eki metr. Kartınada baqshadaǵy alǵashqy jaýǵan qardy tamashalap turǵan, ashyq tústi kımono kıgen tal músindi 27 qylyqty áıeldiń sýreti beınelengen.
Sarapshylardyń paıymynsha, sýretshi týyndyny ómiriniń sońynda, ıaǵnı 1806 jyly salǵan bolýy kerek.
