Japonııada úshinshi kún qatarynan koronavırýs juqtyrýdyń rekordtyq kórsetkishi tirkeldi
TOKIO. KYODO NEWS – QazAqparat – Senbi kúni Japonııada bir kúnde jańa 1731 koronavırýs juqtyrýdyń jaǵdaıy tirkeldi. Aıta ketsek, rekordtyq kórsetkish úsh kún qatarynan qaıtalanyp otyr, dep habarlaıdy QazAqparat KYODO NEWS agenttigine silteme jasap.
Jergilikti bılik organdary jarııalaǵan derekterge qaraǵanda, juma kúni 1704 adam Covid-19 juqtyrǵan. Al beısenbi kúni 1660 jaǵdaı tirkelgen. Sarapshylardyń pikirinshe, elde úshinshi pandemııa tolqyny bastalýy múmkin.
Sońǵy derekterge sáıkes, jalpy Japonııa boıynsha koronavırýs indetine shaldyqqan adamdardyń sany 117 800-den asqan. 1900 adam qaıtys boldy.
