Japonııada ushaq shuǵyl qonýǵa májbúr boldy, bes adam jaraqat aldy
ASTANA. KAZINFORM — Reıs barysynda ushaq bortynyń júk bóliginde órt shyǵýy múmkin ekenin eskertken dabyl júıesi iske qosylǵan, dep jazdy TASS agenttigi.
United Airlines áýe kompanııasynyń ushaǵy Tokıo mańyndaǵy Narıta áýejaıynan Fılıppınge baǵyt alǵan. Alaıda Japonııanyń Kansaı áýejaıyna shuǵyl qonýǵa májbúr boldy. NHK telearnasynyń málimetinshe, oqıǵa saldarynan bes adam jeńil jaraqat alǵan.
Ushaq shamamen 10 000 metr bıiktikte, Vakaıama prefektýrasynyń jaǵalaýynan 200 shaqyrym qashyqtyqta ushyp kele jatqan kezde, júk bóliginde órt shyǵýy múmkin degen dabyl iske qosylǵan. Ekıpaj Kansaı áýejaıyna shuǵyl qoný týraly sheshim qabyldaǵan.
Qonǵannan keıin jolaýshylar úrlemeli syrǵanaqtar arqyly evakýatsııalanǵan. Nátıjesinde bes adam jeńil jaraqat alǵan. Órtti sóndirý qajet bolmaǵan. Ushý-qoný jolaǵy birneshe saǵatqa jabylǵan, biraq keıin áýejaı qalypty jumysyn qaıta jalǵastyrǵan.
Eske sala keteıik, Tokıoda tolassyz jaýǵan jańbyr kólik qatynasyn úzgenin jazǵan edik.