Japonııada «úlken jetilik» sammıti bastalady
ASTANA. QazAqparat - «Úlken jetilik» (G7) elderiniń kóshbasshylary bul joly Tokıodan ońtústik-batysqa qaraı shamamen 300 shaqyrym jerdegi Mıe prefektýrasynyń Ise-Sıma aýdanynda ótetin jyl saıynǵy kezdesýin bastaıdy.
Japonııa premeri Sındzo Abe niń tóraǵalyǵymen ótetin G7 sammıtine AQSh kóshbasshysy Barak Obama, Frantsııa prezıdenti Fransýa Olland, Germanııa prezıdenti Angela Merkel,Ulybrıtanııa basshysy Devıd Kemeron, Italııa prezıdenti Matteo Rentsı jáne Kanada prezıdenti Djastın Trıýdo qatysady. Kútilip otyrǵandaı, sammıtte sondaı-aq Eýropalyq odaq basshysy Donald Týk pen Eýrokomıssııa basshysy Jan-Klod ıÝnker bolady.
Japondyq BAQ-tyń málimetterinshe, sammıtti ótkizý kezinde qaýipsizdikti 100 myńǵa jýyq polıtsııa qyzmetkeri qamtamasyz etedi. Negizgi kúshter Ise-Sımadaǵy nysandar men kórshiles Aıtı prefektýrasyndaǵy Tıýtý áýejaıyna jiberiledi.
Kóshbasshylardyń kezdesýi Kasıko aralyndaǵy qonaqjaıda ótedi. Birneshe kúnnen beri aral ornalasqan Ago shyǵanaǵyn teńizde patrýldik kemeler men teńizdegi qaýipsizdik kúshteriniń jyldam júretin kemeleri kúzetýde.
