Japonııada týý kórsetkishi byltyr rekordtyq deńgeıge deıin tómendedi

ASTANA. KAZINFORM – 2024 jyly Japonııada dúnıege kelgen balalar sany ótken jylmen salystyrǵanda azaıyp, 720 988 balany qurady, dep habarlaıdy Kyodo News.

Жапонияда туу көрсеткіші былтыр рекордтық деңгейге дейін төмендеді
Фото: Kazinform

Bul - Japonııada týý kórsetkishi rekordtyq tómen deńgeıge jetken qatarynan toǵyzynshy jyl, dep habarlaıdy Densaýlyq saqtaý mınıstrligi.

Mınıstrlik málimetine sáıkes, sheteldikterdiń balalary da qosylǵan jalpy týý sany ótken jylmen salystyrǵanda 5%-ǵa azaıdy. Bul úrdis kesh úılený tendentsııasymen jáne ómir súrý qunynyń ósýine baılanysty balalardy tárbıeleýge degen alańdaýshylyqtyń artýymen baılanysty, dep jazady aqparat agenttigi.

2024 jyly qaıtys bolǵandar sany 28 181 adamǵa artyp, jalpy 1 618 684 adam boldy, bul da rekordtyq kórsetkish. Tabıǵı halyq sanynyń azaıýy 897 696 adam bolyp, buryn-sońdy bolmaǵan deńgeıge jetti.

Ótken jylmen salystyrǵanda týý kórsetkishi Japonııanyń barlyq 47 prefektýrasynda tómendegen.

2024 jyly japon azamattarynan týǵan balalar sany alǵash ret 700 myńnan tómen túsýi múmkin dep boljanýda. Mınıstrliktiń bul týraly tolyq málimeti maýsym aıynda jarııalanady dep otyr.

NHK World-Japan habarlaýynsha, Japonııada týý kórsetkishiniń serpilisi 1947-1949 jyldary baıqalǵan. Tek 1949 jyly 2,69 mıllıonnan astam bala dúnıege kelgen  bul rekordtyq san. Alaıda shamamen 1974 jyldan bastap týý kórsetkishi tómendeı bastady, al 2016 jyly 1 mıllıonnan da tómendedi. Sodan beri bul kórsetkish jyl saıyn quldyrap keledi.

NHK atap ótkendeı, 2024 jyly shamamen 720 myń bala dúnıege keldi degen aldyn ala esep, bul statıstıka júrgizile bastaǵannan bergi eń tómengi kórsetkish.

Buǵan deıin habarlanǵandaı, eger Japonııadaǵy týý kórsetkishi qazirgi deńgeıde qala berse, 2720 jyldyń 5 qańtaryna qaraı elde 14 jasqa tolmaǵan jalǵyz ǵana bala qalýy múmkin.

Aıta ketelik Japonııada orman órtinen 80-nen astam úı órtenip ketken edi

Сейчас читают