Japonııada bala týý deńgeıi alǵash ret tómendedi

ASTANA. KAZINFORM — Japonııada 2024 jyly dúnıege kelgen balalar sany ótken jylmen salystyrǵanda 5,7%-ǵa azaıyp, 686 061-ge jetti, dep habarlaıdy Kyodo News.

Bul derekter shetel azamattarynan týǵan balalardy qamtymaıdy.

- Eldegi jıyntyq týý koeffıtsıenti — bir áıeldiń reprodýktıvtik kezeńinde dúnıege ákeletin balalardyń ortasha sany — 2023 jylǵy 1,20 kórsetkishinen tómendep, 2024 jyly rekordtyq eń tómen deńgeı — 1,15-ke deıin azaıdy, - dep habarlady Japonııanyń densaýlyq saqtaý, eńbek jáne ál-aýqat mınıstrligi.

Týý sany da, týý koeffıtsıenti de qatarynan toǵyz jyl boıy tómendep keledi.

Bolashaqtaǵy týý kórsetkishterine yqpal etetin negizgi faktorlardyń biri — neke sany — 2024 jyly eki jyldan beri alǵash ret artyp, 485 063-ke jetti. Bul ótken jylmen salystyrǵanda 10 322-ge kóp.

Jalpy ólim-jitim sany 1 605 298-ge jetip, soǵystan keıingi kezeńdegi eń joǵary kórsetkish boldy. Tabıǵı halyq sanynyń azaıýy rekordtyq deńgeıge jetip, 919 237 adam boldy. Bul kórsetkish qatarynan 18 jyl boıy tómendep keledi.

Japonııada týý deńgeıi 1973 jyldan beri tómendep keledi. Ol kezde ekinshi bebı-bým kezinde shamamen 2,09 mıllıon bala týǵan bolatyn. Bul kórsetkish 2016 jyly 1 mıllıonnan, al 2022 jyly 800 myńnan tómendedi.

Halyq jáne áleýmettik qamsyzdandyrý salasyndaǵy ulttyq zertteý ınstıtýty buǵan deıin týý sany 2039 jylǵa deıin 680 myńǵa deıin tómendeıdi dep kútpegen bolatyn.

Buǵan deıin Japonııada 2024 jyly týǵandardyń jalpy sany (sheteldikterdiń balalary qosylǵanda) aldyńǵy jylmen salystyrǵanda 5%-ǵa azaıǵany habarlanǵan.

Aıta ketelik Japonııa ınternet jyldamdyǵy boıynsha jańa álemdik rekord ornatty.