Japonııada týrısterge qoıylatyn shekteýler alynbaq

TOKIO. QazAqparat – Japon sheneýnikteri sheteldik saıahatshylar úshin ekonomıkany yntalandyrý úshin shekaralyq baqylaýdy odan ári álsiretýi múmkin, dep habarlaıdy QazAqparat tilshisi BBC News-ke silteme jasap.

Mınıstrler kabıneti bas hatshysynyń orynbasary Seıdzı Kıhara jergilikti telearnaǵa ıenniń álsireýi «sheteldik týrızmdi tartýǵa tıimdi» ekenin aıtty.

Ótken aptada ıen 1,7% - ǵa tómendep, sońǵy 24 jyldaǵy AQSh dollaryna qatysty eń tómengi deńgeıge jetti.

Sońǵy eki jylda Japonııa koronavırýstyń taralýyna baılanysty kóptegen sheteldik týrısterdiń kirýine tyıym salǵan. Ótken jyly sheteldik qonaqtarǵa keıinge qaldyrylǵan Tokıo-2020 Olımpıadasyna qatysýǵa tyıym salyndy.

Degenmen, osy aıda elge kirýge ruqsat etilgen sheteldik týrıster sany kúnine 20 myńnan 50 myńǵa deıin artty, endi olardan gıdpen saıahattaý talap etilmeıdi.

Úkimet kelýshilerge arnalǵan kúndelikti shekteýdi múldem alyp tastaýy múmkin degen boljamdar bar.

Foto:bbc.com