Japonııada týrısterdi qyzyqtyrý úshin nındzıa qyzmetin ashty
ASTANA. QazAqparat - Honsıý aralyndaǵy Aıtı prefektýrasynda memlekettik qyzmette turaqty isteıtin alty nındzıa qyzmetkerin izdestirip jatyr. Olar túrli sharalarǵa jáne týrısterdi qyzyqtyratyn jergilikti mádenı qoıylymdarǵa qatysý mindettteledi, dep habarlaıdy South China Morning Post.
Jergilikti bıliktiń habarlamasynda jaýynger qyzmetine úmitkerler dene daıyndyǵy joǵary deńgeıde, ári akrobattyq mashyǵy bolýy tıis. Bir qyzyǵy shaıqasqa qatysqandar bul laýazymǵa saı emes delingen.
Synaqtan ótken alty nındzıa turaqty ári tolyq jumys kúni boıynsha qyzmet etedi. Olardyń aılyq jalaqysy 1 600 dollar shamasynda bolady. Bul qarjy tek qana akrobatttyq tásilderdi kórsetý ǵana emes, prefektýrany jarnamalaý jáne radıo-tele baǵdarlamalarǵa qatysqany úshin beriledi.
XV ǵasyrda Japonııada nındzıalar barlaýshy-dıversant, jansyz nemese jaldamaly kisi óltirýshi bolǵan. Ańyzǵa sensek, olar bala shaǵynan nındzıýtsý atty óte qıyn jaýyngerlik ónerdi meńgergen.
