Óz boryshymdy atqarǵanym úshin qýanyshtymyn - Japonııadaǵy Qazaqstan azamaty

ASTANA. KAZINFORM — Sheteldegi Qazaqstan azamattary da referendýmǵa belsendi túrde qatysyp jatyr. Solardyń biri - Japonııada turatyn Medet Juqush. 

Ol hımııa salasynda ǵylymı zertteýmen aınalysady jáne shetelde júrse de eldegi mańyzdy saıası oqıǵalarǵa beıjaı qaramaıtynyn aıtady. Paıymdaýynsha, mundaı sheshimderdiń qabyldanýyna qatysý – árbir qazaqstandyqtyń azamattyq jaýapkershiligi. 

— Japonııanyń Iokohama qalasynda turamyn. Osynda 2022 jyldyń qazan aıynda jumys babymen kóship keldik. Sol kezden beri osynda turamyz. Ózimniń azamattyq boryshymdy atqarǵanym úshin qýanyshtymyn, — dedi ol Kazinform tilshisine.

Referendým ýchaskesine arnaıy baryp daýys berý tolǵanysqa toly sát ekenin aıtady, sebebi eldiń bolashaǵyna áser etetin sheshim qabyldanady.

— Bul joly Konstıtýtsııanyń kóp jeri jańartylǵaly otyr. Sondyqtan bul - mańyzdy saıası qadam, el bolashaǵy aıqyndalady, — dedi Medet Juqush. 

QR Syrtqy ister mınıstrligi málim etkendeı, sheteldegi barlyq referendým ýchaskeleri Qazaqstannyń dıplomatııalyq ókildikteriniń aýmaqtarynda uıymdastyrylǵan. Eń birinshi bolyp daýys berýdi Koreıa men Japonııada turatyn qazaqstandyqtar bastady.

Aıta ketsek, qazirgi ýaqytta álemniń 40-tan astam elinde referendým ýchaskeleri jumys istep jatyr.