Japonııada tumaýdy bir kúnde emdeı alatyn dári shyǵarylady
ASTANA. QazAqparat - Japonııanyń farmakologııalyq kompanııasy 2018 jyly adamdy tumaýdan bir kúnde emdeı alatyn dári shyǵarýy kózdep otyr, dep habarlady RIA Novostı.
Jańa dári vırýstyń taraýyna jol bermeı, ony joıady. Preparat vırýstyń kóbeıýine áser etetin fermentterdiń paıda bolýyna kedergi keltiredi. Osynyń arqasynda atalǵan dárini paıdalanyp, bir kúnde emdelýge bolady.
Dári Japonııada alǵashqy klınıkalyq synaqtan ótip, óziniń tıimdiligin kórsetti, dep jazdy «Nıkkeı» gazeti. Ekinshi kezeń tumaýǵa shaldyǵý deńgeıi ulǵaıatyn qarasha aıynda bastalady. Preparat júzdegen naýqasqa beriledi.
Japonııanyń densaýlyq saqtaý mınıstrligi dáriniń tıimdiligi men qaýipsizdigi dáleldengen soń jáne lıtsenzııa alý úderisinen keıin onyń 2018 jyly satylymǵa shyǵý múmkindigin aıtty.
