Japonııada tótenshe jaǵdaı rejımi el turǵyndarynyń jartysynan kóbin qamtydy
TOKIO. QazAqparat – Japonııa úkimeti koronavırýstyń taralýyna baılanysty tótenshe jaǵdaı rejımi engizilgen aımaqty keńeıtip, oǵan eldiń túrli aýdandaryndaǵy taǵy jeti prefektýrany qosty, dep habarlaıdy QazAqparat.
Bul týraly sársenbide ınfektsııanyń taralýyna qarsy kúres jónindegi úkimettik shtabtyń otyrysynda Japonııanyń premer-mınıstri Esıhıde Sýga málimdedi.
Endi «qaýipti aımaq» tizimine eldiń batysyndaǵy Osaka, Hego, Kıoto, ortalyqtaǵy Gıfý jáne Aıtı, ońtústik-batystaǵy Fýkýoka, sondaı-aq batys aımaqtaǵy Totıgı prefektýralary kirdi. Bul jerlerde shekteý 7 aqpanǵa deıin engizilgen.
«Biz eldiń birqatar aýdandarynda koronavırýs juqtyrý sanynyń kóptigine baılanysty qatty alańdap otyrmyz. Osyǵan oraı, sondaı-aq sarapshylarmen keńes júrgizý qorytyndylary boıynsha TJ rejıminiń aımaǵyn keńeıtý sheshimi qabyldandy», - dedi Sýga NHK telearnasy translıatsııalaǵan otyrys kezinde.
Japonııada 47 prefektýranyń 12-sinde TJ rejımi engizilgen, oǵan Úlken Tokıonyń aýmaǵy da kirip otyr. Osy aımaqtarda shamamen 73 mln adam turyp jatyr, bul el turǵyndarynyń jartysynan astamyn quraıdy.
