Japonııada tonnelde órt shyǵyp 80-nen astam poıyz toqtatyldy
ASTANA. QazAqparat - Japonııanyń soltústigindegi Hokkaıdo aralynda órtke baılanysty 80-nen astam poıyz baǵytyn keıinge qaldyrýǵa týra keldi. Zardap shekkender joq, dep habarlady «VVS» agenttigi.
«NHK» arnasy habarlaǵandaı, tonnelde órt jeksenbi tańǵy 5-terde shyqqan. Jalynnyń shyǵýyna sebep qysqa tuıyqtalý bolýy múmkin.
Órt 7 saǵattan beri sóndirilip jatyr, saldarynan 81 poıyz baǵyty keıinge qaldyryldy. Zardap shekkender joq.
Tonnel Hokkaıdo aralyndaǵy eń negizgi temir jol jelileriniń birinde ornalasqan. «JR Hakodate» jelileri iri Sapporo, Asahıkava jáne Hakodate qalalaryn biriktiredi.
