Japonııada tolyǵymen robottar basqaratyn medıtsınalyq zerthana iske qosyldy
ASTANA. KAZINFORM – Japonııada zertteý protsesteriniń barlyǵyn robottar atqaratyn álemdegi alǵashqy medıtsınalyq zerthana ashyldy, dep habarlaıdy BELTA agenttigi.
Japonııada ǵylymı jáne medıtsınalyq tájirıbelerdi tolyǵymen robottar júrgizetin biregeı zerthana jumysyn bastady. Nysan Tokıo ǵylym ınstıtýty bazasynda qurylǵan jáne álemdegi alǵashqy osyndaı ortalyq sanalady.
Zerthananyń «qyzmetkerleri» qatarynda 10 robot bar. Olardyń arasynda adam beınesindegi Maholo labdroıdy da bar. Ol eki qolmen jabdyqtalǵan jáne reagentterdi dál mólsherleý, temperatýralyq baqylaýdy qajet etetin qurylǵylarmen jumys isteý sekildi kúrdeli zerthanalyq operatsııalardy oryndaı alady.
Robottar jasýshalardy ósirý jumystaryn da atqarady. Bul qolmen aralasý qajettiligin edáýir azaıtady. Bolashaqta jobany keńeıtý josparlanyp otyr – 2040 jylǵa qaraı robottar sany 2 myńǵa deıin artýy múmkin.
Jobany ázirleýshilerdiń aıtýynsha, robottandyrylǵan júıelerdi engizý zertteý nátıjelerine adam faktorynyń áserin azaıtyp, zerthanalardaǵy maman tapshylyǵy máselesin sheshýge múmkindik beredi.
Eske salsaq, robototehnıkadan ótken álem chempıonatynda Qazaqstan quramasy 12 marapatqa ıe boldy.
