Japonııada tolassyz jaýǵan qar 115 adamnyń ómirin qıdy
ASTANA. 2 naýryz. QazAqparat - Qys mezgiliniń úsh aıy boıy derlik Japonııanyń barlyq óńirinde rekordyq kórsetkishte qar jaýyp, anyqtalǵan málimetter boıynsha 115 adamnyń ómirin qıdy.
Bul týraly ITAR-TASS agenttiginen habarlady.
Japonııanyń ortalyq jáne ońtústik óńirlerinde 26 jyldan keıin alǵashqy ret 3 aı boıy aýa raıynyń temperatýrasy orta jyldyq kórsetkishten tómen bolsa, eldiń soltústik bóliginde 11 jyldan keıin alǵashqy ret aýa raıynyń temperatýrasy «tómen deńgeıden» túsip ketti.
Atalmysh el úshin erekshe bolyp tabylatyn - mol qar Tokıoda qystyń sońǵy kúninde jaýdy. Onyń saldarynan 40-tan astam adam ártúrli jaraqatpen aýrýhanaǵa jetkizildi. Jaraqat alǵandardyń deni taıǵanaq jolda qulap nemese jol-kólik apatyna túsken.
