Japonııada teńizdegi radıoaktıvti ıod quramy kúrt artyp ketti
ASTANA. 26 naýryz. QazAqparat - Japonııadaǵy apat bolǵan «Fýkýksıma-1» atom elektr stansysyna jaqyn jerdegi teńiz sýyndaǵy radıoaktıvti ıod quramy ruqsat etiletin qaýipsizdik standart deńgeıinen 1 myń 250 esege asyp ketken.
Bul týraly japonııalyq Kyodo agenttigine silteme jasaı otyryp RBK agenttigi habarlaıdy.
Jaqynda apatty jaǵdaıdaǵy kásiporynnyń úshinshi reaktoryna zaqym kelgendigi anyqtaldy. «Fýkýsıma-1» AES-nyń jaǵdaıy óte qıyn ári qaýipti jaǵdaıda qalyp otyr. Biz saqtyqta otyrýymyz kerek, jaǵdaı jaqsardy dep aıtýǵa negiz joq», dep málim etti Japonııanyń Premer-Mınıstri Naoto Kan.
24 naýryz kúni stansynyń 17 jumysshysy zardap shegip, olardyń arasyndaǵy eki adam aýrýhanaǵa jetkizilgen bolatyn. Qyzmetkerlerdiń kıiminen ótip ketken sýdaǵy radıoaktıvti tústiń deńgeıi qalypty jaǵdaıdan 10 myń ese asyp túsken.
Bılik turǵyndardy stansy mańynan 30 shaqyrym jerge deıin alysqa ketýin suraǵan.
