Japonııada taıfýnnan tóngen qaýipke baılanysty mıllıonǵa jýyq halyq qaýipsiz jerge kóshirildi
ASTANA. 20 qyrkúıek. QazAqparat - Japonııanyń portty qalasy Nagoıanyń mıllıonnan astam turǵyny elge jaqyndap kele jatqan «Roke» taıfýny qaýpine baılanysty qaýipsiz jerge kóshý jóninde habarlama aldy. Eldiń meteorlogııalyq agenttigi habarlamasynda kórsetilgendeı, jerdi sý basyp, sel júredi degen qaýip bar, dep jazady BFM.ru.
Japonııa bıligi Aıtı prefektýrasy ákimshilik ortalyǵynyń 1,1 mln. turǵynyna óz úılerinen ketý jóninde keńes beredi. 80 myńǵa jýyq adam qaýipsiz jerge kóshý jóninde aıryqsha tapsyrma aldy.
Qazirgi ýaqytta «Roke» taıfýnynyń epıtsentri Tanegasıma ońtústik aralynan ońtústik-shyǵysqa qaraı 190 shaqyrym jerde ornalasqan. Ol soltústik-shyǵysqa qaraı saǵatyna 15 shaqyrym jyldamdyqpen jyljyp keledi. Boljam boıynsha, tabıǵı apat Japonııa jaǵasyna sársenbi kúni túngi saǵat 2 shamasynda jetedi.
«Aıtı provıntsııasynda jańbyr tolastamaı, sonyń saldarynan ózender arnasynan asyp jatyr. Men halyqty tolassyz jańbyr, joıqyn jel men bıik tolqynardyń saldarynan qandaıda bir qaýipke daıyn júrýlerin ótinemin», - dedi Japonııa meteorologııalyq agenttiginiń resmı ókili.
