Japonııada taıfýnǵa baılanysty 580 myń adamdy evakýatsııalaıdy
NUR-SULTAN. QazAqparat – Japonııa bıligi eldiń batysyna tóngen «Krosa» taıfýnynyń saldarynan 580 adamdy evakýatsııalaıdy, dep habarlaıdy QazAqparat Kıodo agenttigine silteme jasap.
Agenttiktiń málimetinshe, ońtústik-batystan Japonııa jaǵalaýyna jetken taıfýnnyń kesirinen Sıkoký jáne Kıýsıý araldaryndaǵy 280 myń turǵyn úıge sý basý jáne kóshkin júrý qaýpi tónip tur.
NHK telearnasynyń aqparatyna sáıkes, beısenbi kúni batys Japonııaǵa attanatyn 700-ge jýyq áýe reısteriniń, keıbir baǵyttarda júretin poıyzdardyń qozǵalysyna shekteý qoıyldy.
«Krosa» taıfýnynyń saldarynan nóser jaýyn jaýyp, jyldamdyǵy sekýndyna 45 metrge jetetin daýyl soqty, sondaı-aq teńizde bıik tolqyndar paıda boldy. Meteorologtardyń málimetinshe, keıbir aýdandarda 100 mıllımetrge deıin nóser jańbyr jaýýy múmkin.
